Ki c'est KODOFIL?

Dan l’anné 1990, à pè prè 250,000 pèsonn endan la Lwizyàn té di yé parlé françé dan yé lamézon pou rencensmen-là. Recensmen-ça pou 2000 montré 198,785 moun ki té gain pliske 5 nan, k’apé parlé françé. À pè prè 4,470 té di yé parlé Kréyol.

Konséy pou le Dévelopmen di françé endan la Lwizyàn té kréé dan 1968 avèk un akt passé dan léjislatchur léta. Ça té fé pou prézèrver le moun frankopal de la Lwizyàn – le moun ki tapé déjà parlé françé. L’akt 409 di ke le gouvèrnèr léta la Lwizyàn kapab pou « établi le Conséy pou le Dévelopmen di françé la Lwizyàn, ann ajens ki sé gain 50 memm maksimum avèk so chèf… ». CODOFIL gain pouvwar pou « fé tou kichoj nécessair pou enkourajer dévelopmen-ça, l’utilizasyon et la prézèrvasyon di françé endan la Lwizyàn, konm li èkzist déjà et ça pou le gran byen kiltirèl, ékonomik, et touristik pou léta ». Apé ça, le nom l’ajens té devyen le Conséy pou le Dévelopmen di Françé dan la Lwizyàn.

Vizyon

Donner le moun ki parl françé des mwoyen pou kontinuwer viv lavie à yé en françé.

Misyon

La misyon KODOFIL gain dé kôté: offrir le moun frankopal endan la Lwizyàn, françé ou pas, l’opportunité swa pou apprenn langaj françé, swa pou métrizer et pou uzer le françé-k ça konné déjà; épi pou explorer, pou komprònn et pou soutnir l’éritaj kadjin, kréyol et frankopal dan la Lwizyàn pou plu gran byen kiltirèl, ékonomik et touristik de tou kèkun k’apé viv icit.

Philozophy

N’allon chérir nous-zòt passé pou enrichir nous-zòt l’avenir affirman nous-zòt identité frankopal à-travèr l’édukasyon (1é objèktif), le sèrvis dan la komunôté (2ièm objèktif) et des échanj dan le moun (3ièm objèktif).