Byenvenu!

KODOFIL té fondé en l'anné 1968 et yé di lavie konmens ékan to gain 40 nan. Laventur pou souteni komunôté frankopal-là-yé, ça konmens jist astère! Bònn fèt KODOFIL!!!

Dan l’anné 1990, à pè prè 250,000 pèsonn endan la Lwizyàn té di yé parlé françé dan yé lamézon pou rencensmen-là. Recensmen 2000 montré 198,785 moun ki té gain pliske 5 nan, k’apé parlé françé. À pè prè 4,470 té di yé parlé Kréyol.

Konséy pou Dévelopmen di françé en Lwizyàn té kréé dan 1968 avèk un akt passé dan léjislatchur léta. Ça té fé pou prézèrver le moun frankopal de la Lwizyàn – le moun ki tapé déjà parlé françé. L’akt 409 di-k gouvèrnèr léta la Lwizyàn kapab pou « établi le Konséy pou le Dévelopmen di françé en Lwizyàn, ann ajens ki sé gain 50 memm maximum, chèf inklu… ». KODOFIL gain pouvwar pou « fé tou kichoj nécessair pou enkourajer dévelopmen-ça, l’utilizasyon et la prézèrvasyon di françé endan la Lwizyàn, konm li exist déjà et ça pou le gran byen kiltirèl, ékonomik, et touristik pou léta ». Aprè ça, le nom l’ajens té devyen le Konséy pou le Dévelopmen di Françé en Lwizyàn - KODOFIL.

À-travèr sit-wèb-ça-là, KODOFIL avèk la Fondasyon Lwizyàn invit vous-zòt à apprònn ça-k nous-zòt apé fé et kwòfèr c’est importan pou défenn et développer le françé dan la Lwizyàn. Épi nous invit vous-zòt à jwènn nous-zòt dans lut-ça-là et pou aider nous-zòt à défònn futchur et l’éritaj langaj françé dan la Lwizyàn.

Dan l’istwa la Lwizyàn, la grand majorité pèsonn té pas kapab pou apprònn konmen lir et ékrir le françé. Ça fé, konm partou dan le moun àoù le moun parl françé, y n’a kèk variété différen ké parlé, chakun avèk so ti diférens. Ça fé pou ça, nous té ‘sayé pou mèt sit-ça en françé « konm le moun parl ça icit endan la Lwizyàn ».

Parol « frankopal », c’est la pèsonn ki parl françé ou ça pé dèt ann réjyon àoù le françé, c’est un langaj parlé par tou kèkun ou par kèk moun sèlmen.